قيمة الوقت

لكي تدرك قيمة العشر سنوات .... إسأل زوجين انـفـصلا حديـثاً

لكي تدرك قيمة الأربع سنوات .... إسأل شخص مـتخـرج من الجامعة حديثاً

لكي تدرك قيمة السنة .... إسأل طالب فـشـل في الاختبار النهائي

لكي تدرك قيمة الشهر .... إسأل أم وضعت مولدوها قبل موعده

لكي تدرك قيمة الأسبوع .... إسأل محرر في جريدة أسبوعية

لكي تدرك قيمة الساعة .... إسأل عـشاق ينتظرون اللقاء

لكي تدرك قيمة الدقيقة .... إسأل شخص فاته القطار .. الحافلة .. أو الطائرة

لكي تدرك قيمة الثانية ولكي تدرك قيمة الجزء من الثانية .... إسأل شخص فاز بميدالية فضية في الأولمبياد وفي الأغلب يكون الفرق بين الذهب والفضة أجزاء قليلة من الثانية

لكي تدرك قيمة الصديق .... إخسر واحد

لكي تدرك قيمة الأخت .... إسأل شخص ليس لديه أخوات الوقت لا ينتظر أحد وكل لحظة تمتلكها هي ثروة وستستغلها أكثر إذا شاركت بها شخص غير عادي

لكي تدرك قيمة الحياة .... إسأل عن إحساس من على فراش الموت

لكي تدرك قيمة ذكر الله ..... مت وأنظر ماذا فقدت من عمرك وأنت غافل

Fear Factor Exterme

يمكن أكون بعارض فكرة البرنامج خصوصا إنه تقليد لبرنامج أمريكى وكمان لأنهم بيستغلوا حاجة الشباب
للفلوس وكمان الأزمة العالمية الحالية كان ممكن يستفيدوا بعمل مسابقة فى المعلومات العامة أو إنهم حتى
يوزعوا الفلوس على المشتركين يعنى مش واحد بس اللى ياخد الفلوس وباقى ال13 يروحوا كدة
وكمان التحديات فيها خطورة كبيرة وإصابات كتير وكمان حاجات غير أدمية
يعنى يطلعوا صراصير وديدان بالفم .......ييييييييييه حاجة مقززة قووى
بدأت فكرة البرنامج منذ شهور عندما اقترحت قناة علي شركة ( أندمول الهولندية) ان تقدم البرنامج الأصلي بنسخة عربية مصرية ، و(اندمول) إحدى كبري شركات إنتاج البرامج التليفزيونية بالعالم التي قامت بإنتاج النسخة العربية لعدد كبير من برامجها الشهيرة للعرض علي شاشات القنوات الفضائية العربية مثل (ستار أكاديمي) و(الرابح الأكبر) وبرامج أخري تم عرضها علي قناتي (Mbc) و(lbc) ، وهو الأمر الذي شجعها علي قبول عرض قناة - أول القنوات المصرية التي تتدخل عالم برامج الواقع.- من اجل الاستفادة بانتشار تلك البرامج علي مستوي الدول العربية ، خصوصا بعدما سبقتها قناة (Mbc) التي قامت بشراء عرض النسخة العربية المصغرة من هذا البرنامج أيضا وقدمته "نجلاء بدر" .

تم اختيار14 متسابق من محافظات مصر المختلفة ، وذلك بعد عدة مراحل كان أهمها اختبارات تمهيدية لكل المرشحين ، ليتم بعد ذلك تصفيتهم من خلال لقاءات شخصية تحدد مدي تحملهم وصبرهم بالإضافة إلي أسئلة من نوعية أكثر الأشياء التي تخيفك؟ وكيف تتصرف في المواقف التالية؟ ، والرياضة التي يمارسها كلا منهم واسئلة اخري حددت الـ 14 متسابق من خلال الاجابة عليها، كما أكد لشريط "محمد مصطفى" مدير التسويق بالقناة، وتتضمن فكرة البرنامج انتقال هؤلاء المجموعة المختارة من الشباب والفتيات للعيش في غابات الأرجنتين في مغامرة كبيرة ، يفوز في نهاياتها أحد هؤلاء الشباب بجائزة مالية قدرها 50 ألف دولار تخصص لمن يستطيع البقاء حتى نهاية المدة المحددة للمسابقة .







برنامج ارض الخوف

تستمر المسابقة علي مدار ثلاث شهور ، يعرض منها ثلاثون دقيقة يوميا – كما هو موضح في التنويهات التي تعرض حاليا علي القناة- و استعانت القناة بمشاهير الفن والغناء كنوع من الدعاية المربحة للبرنامج ، لتشعر المشاهد ان البرنامج ليس عاديا وتدفعه إلي المتابعة ، بل انتظار حتي قبل عرضه بشهور ، والذي سيزيد من نسبة المشاهدة وبالتالي زيادة المعلنين ، وهؤلاء النجوم هم "رزان المغربي" ، "نيكول سابا" ، "حمادة هلال" ، "رامز جلال" ، "سامح حسين" و"أحمد فهمي" ، وكان من المفترض ان تنضم إليهم "منة شلبي" إلا ان انشغالها بتصوير مسلسلها الجديد (حرب لبجواسيس) منعها من المشاركة والسفر معهم . وقد تم تصوير مشاركاتهم مسبقا حيث سافروا مع المتسابقين منذ اول ابريل الماضي .

برنامج ارض الخوف

يضيف "محمد مصطفى " أنه لم تقتصر مشاركات هؤلاء الفنانين علي مجرد الدعاية للبرنامج من خلال الإعلانات التي ظهروا فيها كلا حسب أسلوبه الخاص في عرض تفاصيل البرنامج ، لكن شارك بعضهم المتسابقين في ألعابهم غير مبالين لخطورتها ، و كان أكثرهم شجاعة "حمادة هلال" الذي اشترك في أربعة العاب ، وجاء بعده "سامح حسين" الذي لعب ثلاثة مرات ، وقد فاجئ كثيرون بذلك ، حيث نصحه فريق العمل بعدم السفر من الأساس لأنهم يعرفون عنه أن يخاف تلك الألعاب ، لكنه تحداهم وأصر علي التجربة ... وتعرض الآن جزء من مشاركتهم في تلك الألعاب في تنويهات البرنامج علي قناة ..


برنامج ارض الخوف



أما عن سبب اختيار الأرجنتين - وبالتحديد منطقة (بيونس أيرس) يقول "مصطفى" أنها انسب الأماكن الطبيعية التي يكمن إقامة المسابقة فيها وفقا لما أوضحته الشركة المشرفة ، خصوصا ان هناك كثيرا من الألعاب الموضوعة في جدول المسابقة تتوقف علي مساحات خضرة واسعة ، وهو ما يتوافر في غابات الأرجنتين ، وفي الوقت ذاته خصصت القناة ميزانية ضخمة للبرنامج – الذي تقدمه "سالي شاهين"- لتخرجه بالشكل المبهر.
برنامج ارض الخوف
لم ينكر "محمد مصطفي" مخاطر الألعاب الموجودة في المسابقة ، ولكنها في الوقت ذاته لن تصل ابدا إلي خطورة البرنامج الأصلي بما فيه من اشياء تخالف قدرات البشر ، وأكد انه سيكون هناك وسائل أمان تتكفل بها الشركة الأجنبية المسئولة عن البرنامج ، والتي تم إعدادها في (الأرجنتين) فور سفر المتسابقين ، مشيرا إلي أنهم علي دراية مسبقة بنوعية تلك الألعاب ومستعدين للمشاركة فيها بمنتهي الثقة.

برنامج ارض الخوف
(صورت حلقاته فى الارجنتين)





برنامج ارض الخوف



تعرض قناة حلقات برنامج «أرض الخوف»، الذى يعد أول برنامج مصرى لتليفزيون الواقع، البرنامج تم إنتاجه لصالح القناة، واستغرق تصويره 90 يوما فى غابات الأرجنتين، وشارك فيه 14 متسابقا ومتسابقة

شهدت الحلقات مشاركة مجموعة من الفنانين منهم حمادة هلال، ونيكول سابا، ورزان مغربى، وسامح حسين، ورامز جلال، وأحمد فهمى، الذين سافروا إلى الأرجنتين لتشجيع المتسابقين وإضفاء جو من البهجة والمرح على المسابقات.

تقوم فكرة البرنامج على اجتياز المتسابقين اختبارات من نوع خاص تبرز قدرتهم على الاحتمال واجتياز الصعاب والعوائق.




تتضمن الحلقات العديد من المواقف الخطيرة ومنها تعرض أحد المتسابقين للغرق فى مجرى مائى بعد أن سقطت السيارة التى يقودها فى أحد السباقات، وعندما يحاول الخروج من المياه يفاجأ بهجوم شرس من كلاب جائعة ويكون عليه الخروج من هذه المواقف الصعبة سالما.

متسابق آخر ينزل فى قفص عمقه 3 أمتار تحت الماء ويكون عليه إيجاد مفتاح القفص لينقذ نفسه، متسابق ثالث يقوم بنقل 226 صرصارا بفمه.

عشــر عصيــان

الإميل ده جالى من جروب الجامعة

سعادتك ممكن تنسى أي تفاصيل في حياتك ماعدا العصاية
عشر عصيان على دماغك من الحياة..اتلسوع بيهم من غير ما تقول لنا على إحساسك لأننا عارفينه

في كتاب حياتك (من غير يا عين) ستجد أكثر من ذكرى لك مع العصاية التي لن تفارقك أبداً لا بالمعروف ولا بالطبل البلدي.. كل مرحلة في حياتك ليها عصاية شكل وليها تأثير مختلف على حضرتك.. تيجي حتى افكرك

**********
واحد: عصاية التهديد
ودي بتاعة بابا وماما.. تعمل حاجة غلط يتقالك لو عملتها تاني هنجيبلك العصاية.. طبعاً فيه أبهات وأمهات يبدو ان عندهم أساساً عقدة من العصاية فوارد جداً ان التهديد يتنفذ وتنضرب لحد ما جسمك يورم، ولو عايز الحق لازم التهديد ده يتنفذ عشان تعرف احساس الألم بعد اللسوعة بالعصاية عشان تفضل طول عمرك خايف من العقاب. .طبعاً في هذه المرحلة هناك أيضاً الشطة.. هنحطلك شطة ف بقك.. والكبريت.. حنلسعك يح لو عملت كده تاني
تلاقيها فين؟
مش مكان محدد.. انت بتتولد وبتلاقيها وما تعرفش جت منين.. من الآخر عصاية لقيطة ويجوز تلاقيها في القايمة بتاعة الحاج والحاجة

**********

اتنين: عصاية الغلِيّة
ما تمثلش يا عم.. أيوة عصاية الغلية مش الفول أوتوماتيك.. كان فيه فول ممكن انما فول اتوماتيك دي كانت خيال علمي.يااااه.. فين أيام عصاية الغلية والبستلة اللي بتغلي على الباجور الجاز وسعادتك تلهي الست الوالدة عشان تروح مقلب الغسيل بالعصاية وانت بتزود البوتاس والزهرة بكميات أسطورية مثل أي ساحرة شريرة تحترم نفسها.. طقوس عصاية الغلية لا تصلح بدون البستلة واذا رأيتها وحدها تفقد رغبتك في ممارسة سحرك الفحلقي
تلاقيها فين؟
في البستلة اللي نحت السرير أو جنب تربو البصل اللي في البلكونة

**********

تلاتة: عصاية عم شكشك
وكلنا عارفين عم شكشك بتاع بوجي وطمطم وعارفين كذلك عم شكشك بتاع أول دور في بيتك أو عمارتك أو البلوك بتاع المساكن اللي بتلعب عندها.. عصاية عم شكشك جاهزة دائماً لتعكير صفو لعبك في الشارع، ودايماً بيجبها فعلاً في الآخر لما سعادتك بتطلع رخم وغلس من وجهة نظره وتكمل لعب كورة رغم المية اللي رشها وإمعاناً في غيظه تقول له بمنتهى السماجة وبابتسامة شيطانية: خلينا نتعود ع اللعب ف أجواء صعبة أو تحت المطر
تلاقيها فين؟
الدور الأرضي في كل البيوت جنب خرطوم المَيّة

**********

أربعة: عصاية المنجّد
تلاقي المنجد فارش الحصيرة في الشارع وهو مفرط القطن وهاتك يا تنفيض.. لحظتها تنظر أنت للقطن وأنت تتخيل بدلاً منه كل أعدائك من الأوغاد اللي هما العيال اللي بيدوك على قفاك في وقت فراغهم دون سبب أو ما بيرضوش يلعبوا معاك صيادين السمك والسبع طوبات أو بيوقفوك غصب عنك جون في أي ماتش يلعبوه رغم انك بتقول من الأول: أخير اجواااان.. بعدها يخمس دقائق بالظبط العملية بتسخن معاك وتلاقي نفسك ماسك عصاية الصبي وبتنفض القطن بغل يكفي لحرق الأرض بأكملها بينما ينظر لك المنجد باستحسان قبل ان يعض عليك العمل كصبي معه في أجازة آخر السنة
تلاقيها فين؟
عند المنجّد طبعاً

**********

خمسة: عصاية الأستاذ والأبلة
يرجع الفضل في ابتكارها لعدد من مدرسي مدارس الحكومة المعقدين نفسياً نتيجة خبرات سابقة..،وتجدهم يستخدمونها لضربك وهم يرددون هراء من عينة: الحسنة تخص والسيئة تعم.. أو: العصا لمن عصى.. وكل هذا الهبل الذي تجد نفسك تنضرب بعده لمجرد انك بتتكلم مع اللي جنبك وهي جريمة لا تغتفر كما ترون. طبعاً فاشية هؤلاء المدرسين نجعلهم يبتكرون أساليب تعذيب بهذه العصاية، فيضربوك على كف إيدك عشر عصيان ومضاعفاتها وممكن على ضهر ايدك ولو المدرس راضع من دراكولا تلاقيه يضربك على ضوافرك وممكن يمد سعادتك أو يعبطك عدم اللامؤاخذة على مؤخرتك
تلاقيها فين؟
في الخرابات جنب بيوت المدرسين أو في الأسواق الشعبية حيث يستسهل المدرسون خلعها من أي قفص قبل أنيلفوا عليها الشيكرتون الأصفر ويسموها باسم امهم

**********

ستة: عصاية سيدنا موسى
كلنا حبينا المعجزة دي.. يرمي سيدنا موسى العصاية تبقى تعبان ولما طارده فرعون فرق بيها البحر بضربة. أكيد بتفضل تدور ع العصاية دي لكن ما بتلاقيهاش وأكيد كمان رغم كده انها عمرها ما بتفارق خيالك.. غمض عينيك ثانيتين وتخيل لو معاك هتعمل بيها ايه وانت تفهمني
تلاقيها فين؟
عمرك ما هتلاقيها لأنك مش نبي

**********

سبعة: عصاية أشارجي المرور
يا سلاااام.. بإشارة واحدة تقف العربيات وبإشارة تانية تمشي.. بذمتك ما حلمتش مرة انك بتخطفها لمجرد انك تحس بشعور واحد بيتحكم في ناس كتيرة أوي بإشارة من عصايته
تلاقيها فين؟
في الإشارات وعند العميد احمد عاصم بتاع الفقرة المرورية ومن قلبي بدعيلك تروح وترجع بالسلامة

**********

تمانية: عصاية الأمن المركزي
عصاية عامية ما بتفرقش ولا بيحس صاحبها ف أي غضاضة وهو بيستخدمها لأنهم فهموه انه بيستخدمها ضد أعداء الوطن الوحشين الكخة حتى لو كانوا يقصدون رجلاً عجوزاً أو طفلاً صغيراً أو سيدة في الشهر الثامن من حملها.. يعرفها جيداً –وأكيد مجربها– كل من مشي في مظاهرة حيث تستخدم عشان البلد تعلمك انك ولا حاجة وعشان الداخلية تسيبلك تذكار عبارة عن ضلع مكسور أو راس مفتوحة ست غرز، وابقى انزل المظاهرة تاني يا دكر
تلاقيها فين؟
مظاهرات كفاية والإخوان في عبد المنعم رياض وعند النقابة، وهناك من يؤكد أن الداخلية توزعها مع التموين على أفراد الأمن المركزي

**********

تسعة: عصاية أمن الدولة
دي زي اللي استخدموها كدة لإعدام سليمان الحلبي، ويجد اخواننا في أمن الدولة تلذذاً مثير للريبة في استخدامها للكشف بها عن أي ثقوب في جسدك.. النصيحة المهمة ها هنا هي إما أن تحرص على عدم الوقوع في ايديهم أو أن تحرص على سد هذه الثقوب بنفسك قبل اجراء الكشف عليك لأن الثقوب التي ستحدثها العصاية بعدها أهون بكثير من الثقوب التي يمكن أن يكتشفوها بأنفسهم
تلاقيها فين؟
مش هاقولك وسمعني سلام.. لاظوغلي حوش صاحبك عني.. أو نشيد: احلف بسماها وبطرابها

**********

عشرة: عصاية النعش
هي العصاية اللي بتمسكها وانت شايل نعش وماشي في جنازة وبتفضل تسأل نفسك لحظتها مين هيمسكهالك وهيعرف واللا هيدعي عليك عشان كنت طفاستك خلتك تقيل على كتفه
تلاقيها فين؟
ما تقلقش.. هي هتلاقيك لوحدها

أخيرا أخد نا الأجازة

خدنا أجازة خدنا أجازة أخيرا والله مش مصدقة أيوة والله خدنا أجازة من يوم 3/6
يعنى من أسبوع كدة وطبعا كنت مريحة ومش قادرة أكتب مع إن فى أخبار كتير
اليومين دول وكمان حاجات كتيرة نفسى أعلق عليها
أولا سؤال الراقصة اللى عمل هوجة وهيصة على الفاضى
نص السؤال كالتالى :
Write a Java program simulating a dancing girl having a dancing suit with different attractive colors
بمعنى : اكتب برنامج بلغة الجافا لعمل محاكاة لراقصة ذات بدلة رقص بألوان مختلفة جذابة
والسؤال علمى بحت وإسالوا أى حد فى الدفعة وكمان الدكتور كان منوه عليه قبل كده فى أخر محاضرة
وقال بالحرف الواحد إن أصعب برنامج ممكن تعمله يكون لراقصة تتحرك
يعنى مش مستاهلة الهوجة اللى حصلت لأن المادة عنوانها Graphics in Java
يعنى حاجة داخل إطار المادة مش غريبة يعنى
ولكن كان الكتاب ملان أفكار زى فتاة بتشد كلب أورجل يركب جمل أو كرة تتحرك
ناهيك عن إن سؤال الراقصة طويل والوقت عمره ما هيسعفك عشان تخلص
وأيضا نص السؤال أثار الفتن وجعل الغير متخصصين يستهزأوا بينا وبيه
الحاجة التانية : إنفلونزا الخنازير
دعت منظمة الصحة العالمية في بيان لمكتبها الإقليمي لشرق المتوسط أصدره الليلة الماضية شعوب العالم إلي عدم الذعر من مرض أنفلونزا الخنازير ومقاومة الشائعات والمفاهيم الخاطئة عن المرض..أشارت المنظمة إلي أن الغالبية العظمي من الذين أصيبوا بهذا المرض تم شفاؤهم تماماً دون حاجة إلي دخول أي مستشفي أو الحصول علي رعاية طبية متخصصة.
أوضحت أن الإعلان عن الانتقال إلي المرحلة السادسة من الإنذار بالوباء لا يعني أن الدول ستتعرض للشلل وأن الأنشطة اليومية سوف تتوقف مؤكدة أن معظم بلدان العالم قامت بتفعيل خططها للتصدي للوباء.
ربنا يستر علينا لأن حتى هذه اللحظة تم الإعلان عن الحالة ال12
الحاجة التالتة :هزيمة المنتخب أمام الجزائر فى نهائيات كأس العالم
واضح إننا هنفضل طول عمرنا نتفرج !!!!!!

الحاجة الأخيرة :زيارة أوباما وخطابه من جامة القاهرة للعالم
أنا شايفة إنه خطابى رائع واثق من نفسه كان بيلعب على مشاعر المصريين
حتى فى إنتقائه للموضوعات والحديث عن المرأة
ولكن دعونا نتأمل فيه خيرا