الخط ده خطى .. والكلمة دى لى
غطى الورق غطى .. بالدمع يا عينى
شط الزتون شطى .. والارض عربية
نسايمها أنفاسى .. وترابها من ناسى
وإن كنت أنا ناسى .. ما حتنسانيش هى
الخط ده خطى .. والكلمة دى لى
لا كتب على عينى .. يحرم عليكى النوم
واحبس ضيا عينى .. بدموعى طول اليوم
قبل الوفا بدينى .. زى الصلا والصوم
رجعوا التلامذة
يا عم حمزة للجد تانى
يا مصر إنتى اللى باقية
وانتى
قطف الأمانى
لا كورة نفعت
ولا أونطة
ولا المناقشة وجدل بيزنطة
ولا الصحافة والصحفجية
شاغلين شبابنا
عن القضية
قيمولنا صهبة يا صهبجية
ودوقونا طعم الأغانى
رجعوا التلامذة
للجد تانى
*******
طلعوا التلامذة ورد الجناين
اسمع يا ميلص وشوف وعاين
ملعون أبوك ابن كلب خاين
يا صوت أمريكا
يا أمريكانى
رجعوا التلامذة يا عم حمزة
للجد تانى
يا مصر إنتى اللى باقية وانتى
قطف الأمانى
شوف عندك يا سلاملم
واتفرج يا سلام
مواطن
شخص عادى
مالوش أى اهتمام
ومبارك الخيانه
ومسميها السلام
وف يوم قرا الجرايد
تاريخ ما اعرفش كام
من يومها يا ضنايا
بيشقلب فى الكلام
واتفرج يا سلاملم
على شقلب يا سلام
لما محانم جيبن يا دخ
زايجة لوبن
يعنى مناحم بيجن
ياخد جايزة نوبل
تبقى النوديا
يعنى الدنيا
ماشيه بتحدف بالمندار
يبقى الشهر اتناشر ساعه
يبقى اليوم
ليلتين ونهار
يبقى القاتل
شخص ضحية
والمقتول مجرم جبار
شفتوا إزاى ؟
أما صحيح الطب اتقدم
الأوله بلدى
والثانيه بلدى
والثالثه بلدى
الأوله بلدى باسلطن جو موالى ودا الموصوف
والثانيه بلدى باقول الكلمة بالعالى وع المكشوف
والثالثه بلدى يا كنزى وعزوتى ومالى وملو الشوف
***********
الأوله بلدى باسلطن جو موالى ودا الموصوف
دوا العيان
والثانيه بلدى باقول الكلمة بالعالى وع المكشوف
وف المليان
والثالثه بلدى يا كنزى وعزوتى ومالى وملوا الشوف
آوانك آن
***********
تحدى الحد يا بلدى
ما بين الحق والبهتان
ورايتك تعلا يا بلدى
الاسم : صابر
التهمه : مصرى
السن : اجهل اهل عصرى
لرغم انسدال الشيب ضفاير
من شوشتى
لما لتحت خضرى
المهنه : وارث
عن جدودى
والزمان
صنع الحضاره
والنضاره
والامان
البشره : قمحى
القد : رمحى
الشعر : اخشن م الدريس
لون العيون : اسود غطيس
الانف : نافر كالحصان
الفم : ثابت فى المكان
واما جيت ازحزحه
عن مطرحه
كان اللى كان
جهة الميلاد : فى أى اوضه مضلمه
تحت السما
على ارض مصر
من أى دار وسط
النخيل